ГӀалгӀай къаман
юкъара газет

Кердадараш

2024-ча шера ФАП хьаелларгья Южни оалача моттиге

МагӀалбика кхаленна чуйоагӀача Южни оалача юрта 2024-ча шера керда ФАП хьаелла лерхӀ. Из хоам «Сердало» газетага бир гӀишлой балхах йолча министерстве. «Фельшерий-акушерий пункт хьалъеш бола болх хьинаре дӀахьош латт Южне. Цу юртарча наха доккха совгӀат хургда цу моттигах. Хьалхара гӀо ийшача, шахьаре Ӏочуаха безаргбац цигарча бахархой», - белгалдир гӀишлой балхах йолча министерстве.

Маха тохаш, кхыдола гӀулакхаш деш йола кабинет, фельдшереи акушереи кабинеташ, унахой палаташ, узи йоаккха моттиг, иштта кхыдараш хургда цига.

Къаьнарча, тишача гӀишлон чу къахьегаш хиннача лорий аьттув ба сийрдача, беррига кхоачам латтача кабинеташка наха гӀо де. 2023-ча шера бӀаьсти дӀаболабир из беркате болх. 12 млн совгӀа рузкъа да цу балха хьакъоастадаьр.

«ООО ЕвроСтройМонолит» я из болх дӀахьош йоаллар. 95% хиллал болх йистебаьннаб карарча хана.

Электронни газета язле

(PDF) кӀира цкъа арадувла къаман юкъара «Сердало» газет, цӀагӀара ара ца воалаш деша таро я

Хьаязде