ГӏалгӀай къаман библиотеке, «Моттига зирак» яхача проекта чубоагӀаш говзанч-хьехам дӀабихьар
Янданаькъан Жамалда цӀерагӀча Къаман библиотеке дӀабихьар «Моттига зирак» яхача проекта чубоагӀа, топпарах яьча хӀамашта йоазув ду говзанч-хьехам. Из дӀабихьар яр, «Малх» яхача топпара пхьоаралла говзанча Чаненаькъан Лина. Из дика дӀабахьара кӀезига къахьеганзар, ГӏалгӀай Республикан къаман библиотекан хоамий-библиографе даькъа кертте латтача Манкенаькъан Хьавас.
Цига дакъа лоацаш хиннарий таро яр топпарах яьча хӀамаш тӀа тайп-тайпара йоазош а сурташ а дахка, иштта искусствон говзал хьагойта. Чаненаькъан Линас ший балха говзал йийкъар цига дакъа лоацаш хиннарашца, цо гойтар ший начӀал, исбахьален таронаш дегӀайоалаяра оагӀонаш», - аьлар «Сердало» газетага ГӏалгӀайчен Къаман библиотекан зарбан болх лелабераша.
«Моттига зирак» яха проект - из я Россе бахархой таханарча дийнахьара говзал, начӀал гучадаккхара, уж таронаш дегӀайоалаяра лаьрхӀа библиотекашка кхоллама лаборатореш хьаелла оагӀув. Проекта керттера декхар да – мехкарча тайп-тайпарча моттигий тамашийна хьалаш, культуран тӀехьаленаш лораяр.
