Зангенаькъан Накира книжка довзийташ, вӀашагӀкхетар хургда къаман библиотеке
13.11.2023 12:57
«ГӀалгӀай мотт Ӏомабара книжка» яха Зангенаькъан Накира баь болх бовзийташ моттиг хургья тахан къаман библиотеке. Цига дакъа лаца бех къаман литература дезараш, лоархӀараш. Из хоам «Сердало» газетага бир культуран гӀулакхах йолча министерствос.
«Бовзаш боацараш» яхача проекта ахчанца гӀо деш; арахийца гӀалгӀай, эрсий метташца кхелла болх ба из. Вайх хӀаранена боккха пайда лургболаш, дукха терминаш юкъейихьа болх ба из. Цу тӀа да ловзараш, кроссвордаш иштта кхыдараш а», - йоах тхогарча хоамо.
