Халкъа Гулламе гӀалгӀай метта хьехархошта совгӀаташ делар
ГӀалгӀай Республикан Халкъа Гулламе, гӀалгӀай метта ийс хьехархочунна Сийлен грамоташ елар ГӀалгӀай Республикан «Ерригроссийски халкъашта юкъерча кагирхой Союза» кулгалхочо Оздой Инала, уж бар гӀалгӀай мотт дегӀабоалабара укх массехк шера къахьегаш хьабоагӀа дикагӀа бола хьехархой, яхаш, дийцар «Сердало» газетага ГӀалгӀай Республикан кагирхой парламенте.
«Цига иштта белгалбир берашцара безам совбоаккхаш, шоай балха говзал лакхъеш хьабоагӀа гӀалгӀай пхе шахьарера, Дошалкъа-Юртара, ЖӀайрахьа кхалера хьехархой. Кхетаче дӀахьош, гӀалгӀай мотт дегӀабоалабеча тахан вайна хьалхашка латтача декхарех дийцар.
Хьехархоша белгалдир, бувцаш бола гӀалгӀай мотт лорабара шоаш деш дар. Цар яхачох, хоамий таронаш кердача боараме отташ хиларах, мехка гӀалгӀай мотт лелабара дош а тоалуш хургда.
