ГӀалгӀайчен нах бахача моттигашка, ток дикагӀа лоаттае гӀерт
15.11.2024 10:05
ГӀалгӀайчен шахьарашка, юрташка керда гӀирс юкъебаккхарах; электроэнерги наха лоаттаяра дикал лакхлуш йоагӀа. Эбарга-Юртарча Ӏаьдало болх дӀабихьаб Ростовски, Чапаева урамашка 250 кВА низ бола керда трансформатор оттаеш, яхаш, дийцар «Сердало» газетага ГӀалгӀай Республикан Шолжа кхале.
«Из болх баьб кхален электроэнергецара гӀулакх тоаде дагахьа, моттигерча наьха хьалаш цунца цхьана дикагӀа хилийта гӀерташ», - аьлар хоамо.
Вай дахаш яр электричествон зама я, цудухьа лоархӀаме да, ца хадаш, из лоаттаяр, хӀана аьлча цох тийша да вахара-экономически хьалаш.
