ГӀалгӀайчен юрташка хицара хьалаш тоадеш латт
04.12.2023 09:28
Къаьнара турбаш хувцаш,ГӀалгӀайчен юрташкара хьал тоадеш латт, хица дувзаденна кхоачамбоацараш нийслургдоацаш. Эбарга-Юртарча Московски урам тӀа хин турбаш чуйоахкаш бола болх дӀахьош ба, яхаш, дийцар «Сердало» газетага ГӀалгӀай Республика Шолжа кхален администраце.
«Хин турбаш чуяхкар-из лоархӀаме декхар да, тахан моллагӀа йолча юрта хьалхашка латташ а да. Тахан из лерттӀа хьадоагӀаш хиларга хӀара цӀагӀа сатувс, иштта лоархӀаме да вахара дика хьалаш кхоллара наха чубаха фусамаш хилар а, цунца дегӀайоагӀаргья тха юрт», - аьлар Эбарга-Юртарча Ӏаьдало.
Карарча хана, уж мо дола балхаш деш латт кхыча шахьарашка, юрташка. Республике кӀезиг-кӀезига хицара хьал тоадеш латт.
