Наьсаре СВО бӏухошта новкъостал дир юридически хаттараш кхоачашде
Гӏалгӏай Республикан «Даьхен лорабой» ганза новкъостал дир лаьрххӏача тӏема операце бӏухошта, юридически хаттараш кхоачашде. Из хоам «Сердало» газетага бир паччахьалкхен урхаллене.
«Аргӏанара кхетаче дӏахьош, таро хилар мах боацаш юридически новкъостал де бӏухошта, цар дезалашта. Мехка бокъонаш лораяра, боахамашца бувзам лелабара яь хинна чӏоагӏо бахьан долаш, ганзо тӏаийцар новкъостал эшаш вола 18 саг. Цига къоастадеш хинна хаттараш дар дукхагӏа тӏема учёте оттарца, тӏема ветерана удостоверени хьаэцарца, наха юкъера цатоамаш къоастадарца, лаьтта дезаш хиларца доагӏаш.
Говзанчаша новкъостал дир дехараш язде, боахамашка хаттараш дала, царна хьалхадаьккхар чоалхане хьал эттача де дезар. Дукха ха йоае езаш хинна хаттараш вахара дешашца вувзавеннача сага шоай тӏахьожам беш хургда аьлар», - яхаш, дувц хоамо.
«Мах боацаш, каст-каста юридически новкъостал деш хиларо дуккха сихагӏа кхоачашде таро лу бӏухой, цар дезалий хаттараш. Оаха баркал оал тхоай балха новкъосташта-юристашта лакха дикал йолаш цар консультаци еш хиларах ветераний хаттараш кхоачашдара даькъ тӏа», - аьлар «Даьхен лорабой» ганза филиала кулгалхочо Оздой Муслима.
