Наьсарера Ӏам тоабергба
Карарча шера, Наьсарен бахархоша кхадж тессар, шоашта тоадича бакъахьа хетача юкъарча доазон тӀехьа. ХьатӀадоагӀача шера, шахьаре болх бе болалургба, кхоъ юкъара доазув тоадеш, цхьаькха урам тоабеш.
Наьсарен мэра Йовлой Урусхана, ше доал деча даькъ тӀа кхетаче йолаш, ЦӀечой Басираца дийцар, уж доазонаш мишта хувцалургда тоадаьчул тӀехьагӀа.
ЦӀечой Басира хьалхадаьккхар, Алханчуртски канала тӀадола доазув, Дошлакъий-Юртара Хамхой урам тоабергба, иштта дӀаболабергба Аьлтий-Юртарча Ӏарчакханаькъан урам тӀа гӀашлой никъ биллара болх. Цу юкъе лоархӀаме хургда, Наьсарен администраце шахьар тӀара Ӏам тоабе лаьрхӀа хилар.
Белгалду, тоае езача гӀишлошта тӀехьа кхадж тассар болх дӀахьош, уж проекташ котъяьнна хилар. Цу тайпара болх дӀахьу хӀара шера «Вахар, шахьара хьалаш» яхача къаман проектах.
