Наьсарера единороссаш хьежар, хин турбаш хийцачул тӏехьагӏа, никъ тоабаьбий
«Цаӏ йола Росси» яхача парте доакъашхой бахар Наьсарен-Шахьара чуйоагӏача Дошлакъий-Юртара Заьзганаькъан урам хин турбаш хийцачул тӏехьагӏа малагӏча хьале ба хьажа. Коммунальни даькъ тӏара хьал тӏахьожам болаш лоаттадара чудоагӏаш да парте Халкъа программа кхоачашъеш хилар. Доакъашхой хьежар тоабаь баьнна урама никъ малагӏча хьале ба.
Парте моттигерча отделене секретара, Политически совета республикан Президиума доакъашхочо Бохтаранаькъан Ювсапа, «Сердало» газетаца ше къамаьл деш, белгалдир, цу тайпара тӏахьожама болх дӏабахьар чудоагӏаш да моттигерча бахархой хьалаш тоадара. Цо аьлар, моллагӏа дола коммунальни балхаш чакхдаьлча, наькъа хьал миштад хьож. Лоархӏаме да уж тоадаь, дика хилар. Иштта ца хилча ӏаткъаш хул, шоай хьамсарча урамашка гӏолла лелача наьха вахара.
Моттигерча парте кулгалхочо белгалдир, Халкъа программа къаьстта цу тайпарча кхайкаралах вӏашагӏйоллаш я, цудухьа тӏаийца декхараш дика кхоачашдар - из ца хилча даргдоацар да. «Партийни десант» лаьрхӏа я ший болх цу тайпара дӏахо дӏабахьа, еррига Халкъа программаш кхоачашъе. Керттера терко тӏайохийтаргья наькъа транспорта хьал дегӏадоаладара, доазонаш тоадара, республикан вахара хьалаш дикагӏа хилийтара.
