СВО доакъашхой берашта, кердача шу дездеш совгӀаташ делар Наьсаре
Керда шу хьатӀадоагӀаш, Наьсарен-Шахьара фусамашка баха хилар администрацен вахарца бувзабеннача балха отдела викалаш, цар совгӀаташ а делар, эшар фуд а хьежар цу дезалашта, яхаш, дийцар «Сердало» газетага шахьара мэре зарбан болх лелабераша.
«Карарча шера, массаза санна таро йоацача фусамашкарча берашта кердача шера луш дола мерзача хӀамай совгӀаташ делар оаха. Уж бар Наьсаре баха таронна эшабенна дезал, цул совгӀа, бераш-заӀапхой, могаш боацаш дӀаязбаь латтараш. Бакъда из дика гӀулакх оаха дӀадоладе лаьрхӀар, СВО доакъашхой берашкара. Сона чӀоагӀа дика хет бераш гӀаддига таро йолаш», - аьлар шахьара кулгалхочо.
Белгалдаккха дезаш да, мехка Кулгалхочо, вай мехка доазув лорадеш латтача бӀухой дезалий хьашташ кхоачашдар хьалхарча мугӀаре оттадеш хилар.
