Наьсаре болх бе йолаеннай, РФ герзашцарча низий Министерствон тӀема-вахара центр
«Даьхен лорбой» ганза моттигерча филиале цхьадола хувцамаш. Вахара хьашташка хьожа нах, психологаш хиларал совгӀа, цига новкъостал лоаттадеш хургья РФ герзашцарча низий Министерствон центр, яхаш, дийцар «Сердало» газетага цу моттигера.
ХӀанзчул тӀехьагӀа, лаьрххӀача тӀема операце доакъашхой дог тийша хила йиш йолаш ба, лакха балха говзал йолча Москвера баьхкача говзанчаша шоашта новкъостал дергхиларах. Болх тоабара, наьха хаттараш тохкаш хургда хоамий центре. Цул тӀехьагӀа, уж тӀем тӀа латташ хиларах дола каьхаташ бӀухошта сиха дӀалургда.
«Со тешаш ва, ВСЦ болхлой юкъебаларах, Россе герзашцарча Министерствоца бувзам хиларах, вай дукхагӀча турпалхошта сиха новкъостал дергда», - аьлар «Даьхен лорбой» ганза кулгалхочо Оздой Муслима.
Из бахьан долаш, бӀухошта дукха федеральни, моттигера новкъостал лоаттадергда.
