«Боккха болх дӀахьош, тоаеш латтача Наьсарерча № 1 йолча гимназега хьажа арабаьлар парте оагӀон секретарь вола Бохтаранаькъан Ювсап, горсовета депутаташ. Таханарча дийнахьа 75% болх чакхбаьккха баьннаб цига къахьегаш боахкараш», - йоах тхога кхаьчача хоамо. Гимнази тоаеш дӀахьош латтар боккха болх ба, дукха хувцамаш да цу чу тахан. Дешача берий, хьехархой хьал аттача даккхара тӀехьа доладаь беркате гӀулакх да из.

«Мехкара дешара оагӀон хьал тоадара тӀехьа, доккхий хувцамаш деш, тоаеш латт ишколаш. Дог тийша да тхо, берий, хьехархой дегашта тоам беш уж хувцамаш хургхиларах. Дукха къахьегаш даьр лорадеш, хам беш леладе деза вай», - аьлар Бохтаранаькъан Ювсапа, парте десант яхача программага гӀолла дӀахьош болча балхах дувцаш.