«Гаргарбараш- хьамсарбараш» яха кхетаче дӀайихьар Наьсаре
Наьсарера Ӏам болча доазон тӀа дӀайихьар «Гаргарбараш-хьамсарбараш» яха дезала кхетаче. Цу гӀулакха хьалха эттараш - «Хьалхарчар болам» яхача оагӀон доакъашхой, шахьара администраци.
Администраце кулгалхочун гӀонча йола Алхастанаькъан Хьава яр селхан цу кхетаче.
«Берий кхерамзле: психологически, хоамий, дегӀа оагӀонашцара», «Дезала юкъера керттердараш, бераш кхедара гӀулакх» яха дӀадихьар цига 7 шергара 17 шерга кхаччалца долча берашца, цар даьшца-ноаношца. Иштта цига дир «Аквагрим», «Лепка» яха балхаш, кхыйола хӀамаш кулгашца хьакхоллаш къахьийгар.
Белгалде деза, «Хьалхарчар болам» яхача оагӀонца шахьара администраце массахана бувзам лелабелга. Иштта дӀайихьача кхетаченаша дезала юкъера юкъ чӀоагӀъю, безам совбоаккх, вахарера хоза ханаш дагайохийт», - дийцар администраце.
