Росгвардейцашца Денала урок дӀайихьар Наьсаре
20.05.2025 10:01
Республикерча Росгвардейцашца Денала урок дӀайихьар Наьсаре. Россе Ди дездара хетабаь бар из болам. «Сердалога» из хоам бир цу моттигера. «Наьсарерча № 15 йолча ишкола дешархошца Даьхенцарча безамах, цун сийле лораярах дийцар Росгварде оагӀон кулгалхочун гӀонча волча Исмейланаькъан Аслана.
Вай мехко тхьовра денз хьадахьача Ӏадатех, хозача гӀулакхех лаьца хилар цун берашцара къамаьл», - йоах тхога бенача хоамо. «Россе паччахьалкхен белгалонашца лерхӀам болаш, цун истори довзаш хила деза вай.
Иштта хиларо хьагойт Даьхе вай дегашта боча йолга, цун гӀулакха ураотта вай массахана кийча долга», - дийцар полице майор волча Исмейланаькъан Аслана.
