Наьсаре, догӀан бӀехача хих, канализаци цӀенйир
20.10.2023 11:51
Укх деношка болхлой тоабо догӀаш дийлхача хьаӀайна латта бӀеха хиш, цу чу йиса шушаш, кхыйола хӀамаш дӀа а йоахаш, уж моттигаш цӀенъяь мукъаяьхар, яхаш, дийцар «Сердало» газетага администраце зарбан болх лелабераша.
«Цига болх берий керттера балха гIирсаш да белаш, ведараш. Къаьстта кулгашца беш бола болх керттера дакъа дӀалоацаш ба укхаза, хӀана аьлча догӀан бӀехал хотташ хинна Ӏац, цига кхыйола нувхаш а я, уж Ӏокхувсар шахьара бахархой а ба», - йоах хоамо.
Мэре болхлоша яхачох, карарча хана коллектораш, догӀан хиш дӀаухаш йола моттигаш я цӀенъяьраш, цигара йиъ самосвал оала машен йизза нувхаш дӀайихьай.
