Наьсаре 2024 шера 11 никъ тоабергба
Къаман шин программа чудоагӀаш: «Кхерамзленна дика наькъаш», «Фусамаш, шахьара хьалаш» - 2024 шера Наьсаре капитальни тоадергда 11 урама наькъаш, яхаш, дийцар «Сердало» газетага доал деча даькъ тӀарча зарбан болх лелабераша.
«Къаьнара никъ беррига хьалбоаккхаргба, наькъ тӀа керда асфальт Ӏобулларгба, гонахьара наькъа йистош тоаергья, кердайоахаргья, кхыча тайпара хургда урамаш.
«Кхерамзлен дика наькъаш» яхача къаман проекта чубоагӀаш тоабергба Наьсар-Кертера урам - бӀоахал 3, 25 км, Могушканаькъан урам – 1, 58 км, ГӀайрбик-Хьажий урам - 1,64 км, Шаймиева урам-2,43 км, Фабрични - 1,53 км, ТIаргима урам-1,19 км, Барханой урам - 0,32 км, Октябрьски - 0,55 км, Базорканаькъан проспект-0,9 км. Кхы а ши урам тоабергба «Шахьара дика хьалаш вӀашагӀдохкар» яхача программах - Хамхой урам - 2,2 км, ЦIечой - 0,9 км.
Уж урамаш белгалдаьхадар 2023 шера бӀаьсти кхадж тоссача хана», - аьлар шахьара администраце. Цу тайпара, Наьсарен наькъаш дикача хьалашка хургда.
