Наьсарен-Шахьар тоаяра тӀехьа кхадж тессар 4 эзар сага
20.03.2024 14:32
«Шахьара дика хьалаш хьакхоллар» яхача программанна чуйоагӀаш, «Фусам, шахьара хьалаш» яхача къаман проектах, тушола бетта 15-ча дийнахьа денз, кхадж тоссаш ба 2025 шера Наьсарера юкъарлонна доазонаш тоадара, яхаш, дийцар «Сердало» газетага доал деча даькъ тӀарча зарбан болх лелабераша.
«ХьатӀадоагӀача шера де лерхӀа балхаш дукха да. Царех ба Хамхой урам, Алханчуртски канала уллувра велосипедий никъ, Ӏарчакханаькъан урам тӀара гӀашлой никъ, иштта шахьара Ӏама доазон тӀара салоӀа моттиг. Цига кхы а сердал тоаергья, дӀахо баьццара гаьнаш, зизаш дӀадогӀаш болх бергба», - аьлар хоамо.
Шахьара администрацен кулгалхоша хьалхадоаккх бахархошта, юха а ца гӀерташ, цу юкъе дакъа лоацаш хилар.
