«БЕТСИТЕ БИЙСАНАРА ЛАТАРАШ 133» яхьага кийчо ярах дийцар Наьсаре
«БЕТСИТЕ БИЙСАНАРА ЛАТАРАШ 133» яхьага кийчо ярах дувцаш, кхетаче дӏайихьар Магасерча Йовлой Берда цӏерах йолча спорта Двореце. Из хоам «Сердалога» бера цу балха хьалхаэттарашкара.
«Тайп-тайпарча оагӏонашцара спортсменаш ба цу дийнахьа хургйолча йоккхача яхье гуллургбараш. Цу гӏулакхах дувцача кхетаче дакъа лоацаш бар спортах йолча министерствон кулгалхочун гӏонча Султиганаькъан Тӏахӏир, «Магас» спорта Двореца кулгалхо Темарханаькъан Джамбулат, «БЕТСИТЕ БИЙСАНАРА ЛАТАРАШ 133» лига доакъашхой.
Къовсам дӏахьоча хана, кхерамзленца дувзаденнараш боаггӏача боараме лорадарах, кхоачашде дезача лоархӏамедарех дийцар гулбеннараша», - йоах тха газетага бенача хоамо. Хьалхагӏа «Сердало» газетага гӏолла хоам баьбар; «гӏалгӏай халк» Цӏолой Бабули, Буторин Максим яхье шоай низ гойташ хургба, аьнна. Котваьнначунна дала оттадаьд 1 000 000 доллар ахча да.
