Наьсаре белгалбир, эллиной-румий латара Спартакиадан ӏӏ-ча бӏала толамхой
Гӏалгӏайче белгалбир Россе эллиной-румий латара Спартакиада ӏӏ-ча бӏала юкъе котбаьннараш, яхаш, дийцар «Сердало» газетага ГӏР спорта Министерствон зарбан болх лелабеча Гӏаппархой Ӏайшас.
«Магас» спорта Цӏагӏа яхьаш дӏахьош вар 162 спортсмен, уж бар Россе 38 моттигера баьхка 15 дозал дола спортсменаш. Кхетаче чакхйоалаш, вай гулъяьча тоабо шиъ дото майдилг яьккхар, иштта цар бокъо я Россе дешархой Спартакиада тӏеххьарча яхьашка дакъа лаца. Мохлой Исмаӏал белгалваьлар, 52 кг дозал долаш. Йовлой Бадрудина шоллагӏа моттиг яьккхар 35 кг дозал долаш», - аьлар тхоца къамаьл даьчо.
Эггара лакхагӏча лагӏа тӏа эттар Темникова Юля (31 кг, Пермский край), Хабилов Илдар (35 кг, Гӏабартой-Балкхарой Республика), Барчо Рустам (38 кг, Адагӏий Республика), Ассакалов Тамерлан (41 кг, Аьдагӏий Республика), Дейникин Руслан (44 кг, Гӏалмакхий Республика), Лиджиев Айрат (48 кг, Гӏалмакхий Республика), Бегларян Юлия (52 кг, Краснодарски край), Петросян Гагик (57 кг, Ростовски область), Данилов Егор (62 кг, Марий Эл Республика), Медведский Роман (68 кг, Санкт-Петербург), Мендохов Аммар (75 кг, Краснодарский край), Магомедов Гаджи (85 кг, Селий Республика), Родионов Матвей (92 кг, Воронежски область), Акимов Егор (100 кг, Москва-Шахьар), Арутунян Арташ (Краснодарский край).
Белгалду, хьалхагӏа «Сердало» газета яздаьдар, Спартакиада ӏӏ-гӏа бӏал, олимпийски чемпион волча Манкенаькъан Назира совгӏаташ дахара дӏахьош ба, аьнна.
