ТӀема операцен доакъашхой, цар дезал юкъе бола волейбола яхь дӀайихьар Наьсаре
10.09.2024 09:32
Наьсаре дайихьача волейболах йолча яхьо гулбир тӀема доакъашхой, цар дезал. «Даьхен Лорбой» яхача ганза филиал яр из вӀашагӀъеллар.
«Ловзаш болчарна тӀахьожаш бар физкультурах бола хьехархой, волейбола тренераш. Котало кхаьчар, тӀема доакъашхой берех латтача тоабанга. Шоайла доттагӀал тесса, телефона номераш дӀа-хьа енна, из тайпара кхетаченаш каст-каста дӀакхахьар дийхар тхога котбаьннараша», - дийцар «Сердало» газетага филиала болхлоша.
Белгалде деза, мехкарча филиала болхлоша тӀема операцен доакъашхошта, цар дезалашта массахана терко лоаттаелга, ийшача хана гӀо де кийча болга.
