Наьсаре тохкаш я машин тӀатеха саг вийна моттиг
02.04.2025 22:01
Наьсарерча полице болхлоша тохкама болх дӀахьош ба, машин тӀатеха саг верах дола гӀулакх тохкаш. Из нийсделар бекарга бетта 2-ча дийнахьа сарахьа 19 сахьат 30 минот яьннача хана, эггара дукхагӀа нах хулача МутаӀаланаькъан, Лермонтова урамашка, яхаш, дийцар «Сердало» газетага мехкаа Госавтоинспекце.
«Ховш ма хиллара, 46 шу даьннача «Toyota Camry» машинаца хиннача водитела наькъа дехьавоалача сага из тӀатехай. Цун бахьан хӀанз тохкаш да», - аьлар хоамо.
Хиннача човнех, лозаваь саг велар. Цига хьакхаьчача лораша из венна хилара тешал дир.
Карарча хана, бокъонаш лораеча Ӏаьдала болхлоша, хиннар фуд хьожаш, болх дӀахьу. Полице тӀахьех, новкъа лелара бокъонаш лораеш хилара.
