«Из урам дагабоаллаш бар Наьсарен бахархошта. Наха цхьацца наькъашта латкъаш яздеш хинна каьхаташ техкачул тӀехьагӀа, белгалдаьлар ГӀайрбика-хьажий урам тӀара никъ эггара чӀоагӀагӀа тоабе безаш хилар, цул совгӀа, вахара лоархӀамеча моттигашта тӀабодаш а ба из», - аьлар тхоца къамаьл даьчо.

Наькъаш цӀенхаштта тоадара чудоагӀаш, подрядчика водителашта, гӀашлошта уж кхераме хургдоацаш, болх беш латт. Керттердар да, цига керда асфальт Ӏобуллаш хилар. Укхаза иштта наькъа 19 белгало а оттаергья. Цар новкъостал дергда наькъа бокъонаш лорае. Наькъ тӀа керда оаса бахийтаро таро хулийтаргья, цига хулаш дола зуламаш лаьгӀде.

Кхаьннахьа машинаш сиха лехкаргйоацаш моттиг кийчъяьй, цо водителашта новкъарле егргья машинаш сиха хехка, хӀаьта наькъал дехьабоалаш болча наха шин светофора новкъостал дергда, саг маца дехьа-сехьа вала йиш я хьахайташ. Цул совгӀа, ГӀайрбик-хьажий урам тӀа гӀашлошта лаьрхӀа керда никъ а булларгба.