Наркотикашта духьала къовсам лоаттабечар лаьцар, цу базара юкъе хиларах дегабуам бу саг
Дегабуам бу «Лада Гранта» яха машин соцайир Наьсаре наркотикашта духьала къовсам лоаттабеча оагӏон болхлоша. ӏаьдала болхлоша белгалдечох, из бӏеха базар лелаеш хиннав из. Дошлакъий-Юрта хилар из саг дӏалацар.
«МВД УНК ӏочувигар из ший машинаца. Чухьежача полице болхлошта цун машина чура кӏай хӏама чуйоаллаш хьоарчаяь гурмат, иштта пластиках яь хӏамилг корайир. 10, 74 гр. мефедрон яха «дохьаж» арадаьккхар цу чура полице. РФ УК 3-ча даькъа 30 ст., 4-ча даькъа 228.1 ст. бехктокхаме озаргва зуламхо (боккхача боарамах йола наркотик йоаржае гӏортар). «Сердалога» из хоам мехкарча МВД бера.
Ӏаьдала кара ва из саг тахан. Наркотик яха наха юкъе йоаржаеш, хьарамча ахчах вӏаьхий хила гӏийртачунга шортта ха хургья, набахтен корах арахьежаш, ше лелабаьча бӏехача наькъа уйла е.
