ГӀалгӀай къаман
юкъара газет

Кердадараш

Наьсаре, «Дешар» яхача къаман проектага гӀолла, 720 моттиг йола ишкол хьалъеш латт

Наьсарерча Чеченски урам тӀа, «Дешар» яхача къаман проекта чуйоагӀаш, хьалъеш я 720 моттиг йола керда ишкол.

Бахархой чӀоагӀа раьза ба цу гӀулакха, хӀана аьлча из дешара моттиг хьалъеча, из къаьстта эшаш яр. Керда ишкол хьалъярца, берий таро хургья шоаш бахачара гаьна а ца боалаш деша, вахар аттача даккха, дешар тоаде. «Сона чӀоагӀа аьттув ба из, хӀана аьлча гаьнарча кхыча ишколе бераш ахийта ца дезаш, тхоашта юхе дешара моттиг хилар доккха дика да», - аьлар «Сердало» газетага моттигерча яхархочо Хамхой Азас. 

Проектага хьежжа, из ишкол кхозза вӀаштӀара яь хургья. Чухьнахьа эшаш мел дола хьалаш да, дешара классаш, спортивни зал, музыкальни фусам, столови, лорий оагӀув.

Гонахьарча доазон тӀа спортивни майда хургья. Берашта кхоллама балхаш дӀадахьара,уж дегӀабоалабара дола хьалаш а хургда. Иштта боккъонца бола къахьегам а хургба, берашта лаьрхӀача пхьоалле.

Цига Ӏомадергда кердадараш, хургйолча профессе говзал. Тхога моттигерча Ӏилмани дешареи министерстве баьча хоамах, Наьсарен керда ишкола хӀанз укх сахьате хьалъяь яьнний 35%. ГӀишлонхой, хьалхарча аргӀагӀа де дезаш дола гӀишлон балхаш дӀадоладаь, боахк.

Цунца цхьана чура сердал чуюллаш дола балхаш а деш да, арарча доазон тӀа хила деза спортивни оагӀон балхаш а дӀахьош да. Хьалхадоаккх, «Дешар» яха къаман проект дӀайолаяьй Даьхен дешара хьалаш тоадара. Цун керттера декхар – дешара даькъ тӀа дикагӀа лоархӀаш болча итт мехка юкъе Росси дӀачӀоагӀъенна, дӀаоттар.

Электронни газета язле

(PDF) кӀира цкъа арадувла къаман юкъара «Сердало» газет, цӀагӀара ара ца воалаш деша таро я

Хьаязде