Наьсаре водитель, машин лалла цахарах, дарбанче кхаьчар
30.08.2025 23:45
Ийрча хоам кхаьчар тахан 19 сахьат 55 минот яьлча Наьсарен «112 гIулакха» Центре. Хоам баьчо аьлар, МутаӀаланаькъан урам тӀа машинаца зулам нийсденна хиларах.
«Цу моттиге «Аьрзи» яха лахара-кӀалхарваккхара йола тоаба хьакхаьчар, «Тайота Камри» марка машина тIара водитель, ший машин кхы дӀалалла ца могаш, гаьнах кхийттав», - дийцар «Сердало» газетага ГӏалгӀайчен МЧСа викалаша.
Лозаваь машина водитель ГӏалгӀай республикански дарбанче дӀавигар. Лораш цунна эшаш дола гӀо деш ба.
