Наьсарен кхале дийцар массайолча оагӏорахьара кадастра болх дӏабахьарах
Гӏалгӏайче гӏолла йолча «Роскадастр» ППК филиале балха кхетаче хилар филиала кулгалхочун Доданаькъан Рукъета, иштта Наьсарен кхален кулгалхочун Овшанаькъан Мухарбика. Оагӏонаша дийцар кхаленна кадастра болх вӏашагӏболла безарах. Цун маӏан да - лаьттан доазонаш чӏоагӏдар, иштта лаьттан таронаш нийса лелаяр.
Цу боахаме ма аллара, ККР новкъостал ду лаьттан - доалахьарчун даькъ тӏа лостам бе. Къаьстта доазув къоастадеш хиларал совгӏа, уж балхаш дӏахьош да цхьан е дукхача кадастра кураш тIа. Цо таро лургья доазонаш чӏоагӏде, юкъе нийслуш дола гӏалаташ дӏадаха, иштта кадастрови оагIорахьара гIишлош дIаязъе. Уж я хьалха дӏачӏоагӏъяь хиннараш.
Доданаькъан Рукъета аьлар, филиал кийча я экспертни, технически новкъостал де, уж гӏулакхаш чакхдоахача дакъа лаца. Цо яхачох, цхьана дӏахьош болча кадастра балхо таро лу, шоай боахамаш хьатӏаяздеш болча бахархой каьхаташцара хьал аттачадаккха.
Овшанаькъан Мухарбика белгалдир, доал деча даькъ тӏара болх цхьа лостам болаш бе лаьрхӏад лаьтта леладара хьал нийса хургдолаш, аьнна.
Кхетаче чакхйоалаш дийцар боахамашта юкъера бувзам лелабарах, иштта цхьана вӏашагӏделлар дӏахо цу даькъ тӏа де лерхӏаш дар.
