Муниципалитета керда кулгалхо дӏавовзийтар Наьсарен кхале
Тайп-тайпарча оагӏонашцара болхлой гулбаь, кхетаче дӏахьош хилар тахан Наьсарен кхале. Муниципалитета керда кулгалхо Овшанаькъан Мухарбик дӏавовзийтар гулбеннарашта мехкадаь, Паччахьалкхен Администраце чухьарча политиках болча оагӏон кулгал деча Коазой Мухьмада.
«Гулбеннарашца къамаьл деш, Коазой Мухьмада белгалдир, администраце болх боаггӏача боараме дӏахьош хилар, хьалхашка латта декхараш бехктокхаме кхоачашдар лоархӏаме, массане лораде дезаш долга. Вӏашагӏкхетаре иштта дийцар таханарча дийнахьа администрацена хьалхашка латтача лоархӏамеча декхарех, эггара хьалхарча оагӏонца кхоачашде дезача гӏулакхех. Овшанаькъан Мухарбика теркалдир, балхаца эггара керттердар деррига декхараш бехктокхаме, боаггӏача боараме кхоачашдар долга, кхален бахархой вахарца дувзаденнарашта къаьстта йоккха терко е езилга», - йоах «Сердалога» тахан Наьсарен кхален администраце зарбан болх лелаберашкара кхаьчача хоамо.
Администраце болхлоша, кхетаче чакхйоалаш, белгалдир; кхален экономикан, вахара оагӏонцарча гӏулакхий, моттигий хьал тоадеш; цхьана болх дӏабахьа шоаш кийча болга.
