«Шоай аргIан болх дIахьош Назранерча ишколашка, колледжашка дешаш болча кагирхошца кхетачеш дIаяхьа арабаьлар терроризм яхача зулама духьала тIом лоаттабеча комиссе болхлой. МоллагIа дола, шоай дага латта хаттар дала йиш йолаш ба дешархой цу наха. ХIара хаттар доашхаш жоп лу комиссе болхлоша.

Тахан латтача хана ишттача мугIарера кхетачеш кхувш латтача тIехьенца дIакхахьар геттара лоархIаме да. Дешархота довза деза, терроризм яхача доккхача зулама духьала тIом лоаттабар мелла лоархIаме да бусалба дог долча сага.

Цу бIехача гIулакхо цхьаккха бехк боацача наьха вахар мишта толхаду дийцар кхетаче. Нийсача хIаман тIехьа хьалкхебе беза вай дезал», — дийцар тха газетага пхьерча администрацен пресс-служба болхлоша.