ГӀалгӀайчен керттерча бокъонош лорае викал ваьчо нах тӀаэцаргбаГӀалгӀайчен керттерча бокъонош лорае викал ваьчо нах тӀаэцаргба
ХьатӀадоагӀача ерача дийнахьа, «ГӀалгӀай Республикан бахархошта мах боацаш окъонашца дувзаденна новкъостал дара Ди» яхача вахара проекта чудоагӀаш, республикерча наьха бокъонех волча сага, мехка Адвокатски палата президентаца цхьана, юридически новкъостал эша бахархой тӀаэцаргба, яхаш, дийцар «Сердало» газетага ГӀалгӀай Республикан УПЧ хоамий-аналитически даькъ тӀа.
«Шийца хила деза паспорт. Иштта хаттараш тӀадола йоазон каьхаташ хила деза, сихагӀа царна жоп дала таро хургйолаш. Нах тӀаэцара болх дӀахьоргба 10 сахьат даьлча денз 13 сахьат даллалца. Магас шахьара Малсаганаькъан Д. урам тӀа», - аьлар тхога баьча хоамо.
ХьабоагӀача наьха таро хургья шоай хаттараш дала, иштта Российски Законах чӀоагӀъяь йола шоай бокъонаш йовза.
Говзанчаша царна новкъостал дергда хьалхашка нийслуш дола декхараш кхоачашде, цаховш дар хьалхадоаккхаргда. Наьха дехарашка, лоткъамашка хьожаргба, уж доагӀача беса тохкаргда.
