Ветераний болама хьинардараш белгалбир мехкарча Парламенте
19.08.2025 11:28
Ветераний болама хьинардараш майдилгашца белгалбеш йола кхетаче дӀайихьар, мехкарча Халкъа Гулламе. Ветераний, заӀапхой, байнача бӀухой оагӀув хьаллоацаш къахьегарах белгалбир уж нах.
Кхетаче теркалдир, ветераний болам боаржабеш, тоабеш цар болх дӀакхахьар, иштта доккха баркал аьлар царна къонача тӀехьенна Даьхенцарча лерхӀамах, безамах дувцаш кхетам луш болх дӀакхахьарах.
СовгӀаташ дӀаделар унахцӀенон гӀулакхех, вахара политиках, ветераний, СВО доакъашхой гӀулакхех йолча комитета кулгалхочун гӀонча волча Олиганаькъан Бадрудина. Хьинардарашта доккха баркал аьлар цо массахана бувзам лелабеш, шоашта хьалхашкара декхараш дизза кхоачашде хьожаш къахьегарах.
