Москверча Гӏалгӏайчен викала балха моттиге дикагӏа бола студенташ безбир
Москверча Гӏалгӏайчен викала фусаме белгалбир дикагӏа бола студенташ, цун Кагирхой кхела чубоагӏаш бола доакъашхой. Республикан массазарча викала Оздой Муслима, баркал оалаш, совгӏаташ делар хьинар дарашта, цо белгалдир цар дика дакъа лоацаш хилар керттера кхетаченаш мехкахошца дӏаяхьара даькъ тӏа, уж массайолча хана гӏо де кийча хилар.
«Сердало» газетага массазарча викала фусаме ма аллара, кхетачен чудоагӏаш дийцар баьча балхах, хоадам боллаш техкар Кагирхой кхела лоархӏаме проекташ, дӏахойодача хана де лерхӏар белгалдир.
Совгӏаташ луш, Оздой Муслима даькъаладийцар цар дешар, лакхача толамашка кхоачаш уж хилар ловш долча, дег тӏара доагӏача дӏайхача дешашца. Цо белгалдир, тахан латтача хьалашка, студенташ даим шоай дешар тоадеш, шоашта хьахьийхар Гӏалгӏайче, беррига мохк дегӏабоалабеча даькъ тӏа пайда эцаш хила беза, аьнна.
