Журналиста майдилг елар Москверча массазарча викала
03.09.2025 16:19
Москверча ГӀалгӀайчен массазарча викала Малсаганаькъан Мухьмада ГӀалгӀай Паччахьалкхен 100 шу дизарах йола майдилг елар вай мехкадаь цӀерах, «РИА Хоамаш» яхача хоамий оагӀон корреспондента Осканаькъан Мухьмада.
«Хоамий аганствон, ГӀалгӀайчен Постпредствон юкъе дӀахойодача хана хила безача бувзамах дийцар цар кхетаче. Цу оагӀонцара болх дикка тоабарах хьоахадир цар. Из лоархӀаме да тахан мехка хулаш дола хувцамаш дикка дӀа-хьа доаржадара тӀехьа», - дийцар «Сердалога» массазарча викала фусаме.
Белгалде деза, ФСБ оагӀонцарча балхах эггара дикагӀа йола литературни произведенеш кхолларах Осканаькъан Мухьмадах Россе ФСБ преме лауреат хиннилга. Цо хьагойт, ший болх лакхача боараме цо дӀахьош хилар.
