Гӏалгӏайчен цӏерца къовсам лоаттаберий колледже цӏий дӏалуш моттиг хилар
Гӏалгӏайчен цӏерца къовсам лоаттаберий колледже цӏий дӏалуш бар. Хургбола нах кӏалхарбоахараш ба наха гӏо де кийча хила безаш, цудухьа цар гойтар шоаш граждански декхар кхоачашделга.
«Сердало» газетага ма аллара, дешара моттиге программа дӏайолайир колледжа актови зале, из болх дӏабовзийташ хьалхара къамаьл дир. Студенташта довзийтар цӏий дӏадалар мел лоархӏаме да, из хьал вай мехкарча дарбанчешка мишта латт. Цхьавола саг сиха цӏий тоха дезаш хул, авареш еш, чӏоагӏа човнаш яь нах дарбанче кхаьчача, цӏийцара кхоачам хила безаш ба, цо кӏалхардоаккх сага вахар.
Цкъа хьалхагӏа лорий карта тӏа йоазув дир, лораш а хьежар цӏий дӏадала йиш йолаш уж бий, деррига санитарни декхараш кхоачашдир.
Из болх вӏашагӏбеллараша белгалдир, цӏий дӏалуш дукха студенташ хилар.
