Берашта бийцар, из моттиг вай республике хьакхоллара никъ. Шоай балхаца мел дувзаденнараш дешархошка дIахьокхаш къахьийгар цу наха. Из беррига болх мишта дIабода ха безам болаш хьувзача берашта дайра, цIи яларах хоам беш йола сигнал мишта хьакхоач, эггара хьалхарча аргIагIа де дезараш фуд, мишта арабовл цу боккхача балха къахьегамхой цIи йоае. ЦIи йоае оарцагIъухача наьха балхацара халонаш яйзар дешархошта. ЦIи дIайоае эттача, шоашта духьала нийслуш йолча халонех дийцар царна цигарча болхлоша. Цул совгIа, берашта хайра, мел лоархIаме да, ха ца а йоаеш, цIи йоаллашехь хоам бар. Ханнахьа хоам цабарах, сага вахар хадаш нийслу цIи яьннача фусаме.

Кхетаче йистейоалаш, берашта дийцар цIерацарча кхерамзленах, цIи ялара кхерам болаш дола хIара хIама лораде дезилгах. Деррига довза ловш дар бераш, дукха хаттараш телаш. Кхувш боагIарашта эшаш да аьнна мел хетар хьалхадаьккхар цIи йоае ухараша.