Гӏалгӏайчен Паччахьалкхене дийцар, фтизиопульмонологе новкъостал дегӏадоаладарах
Гӏалгӏайчен Паччахьалкхен Председатела Сластенин Владимира дийцар, фтизиопульмонологе новкъостал республике дегӏадоаладарах, М.И. Перельмана цӏерагӏча Сеченова университета фтизиопульмонологе, торакальни хирурге кафедра кулгал деш волча Гиллер Дмитреца. Балха хаттараш дувцача дакъа лоацаш хилар республикан унацӏенон Министерствон кулгалхочун декхараш кхоачашдеш йола Настаева Амина, иштта Къоастой И.Х. цӏерагӏча Республикански фтизиопульмонологе центра кулгалхочун гӏонча Имгожанаькъан Йоакъап.
Оагӏонаша мах оттабир цу даькъ тӏарча лорий новкъостал лоаттадара балха хьала, дӏахо де дезар белгалдир, бувзам лелабара барт бир.
«Тхона лоархӏаме да, республикан бахархошта лакха дикал йола лорий новкъостал лоаттадар, иштта хьалхале лелаеча говзанчашца дагадоалаш хилар. Цу тайпара кхетаченаш дӏахьош хиларах дикагӏа дегӏайоагӏа унахцӏенон оагӏув, лорий новкъостала дикал а лакхлу», - аьлар Сластенин Владимира.
Гиллер Дмитрий Гӏалгӏайчен цӏихеза лор ва. Республике лорий даькъ тӏара болх дика дегӏабоалабарах, цунна сийдола цӏи елар республикан Кулгалхочун амарах, 2026 шера маьтсела бетта 27-ча дийнахьа.
Наькх тӏа боаллабу седкъа, удостоверени цӏихезача хирурга дӏаделар, из кхетаче йолаш, Гӏалгӏайчен премьер-министра.
Укх деношка лаьрххӏа йола кхетаче дӏахьош, Гиллер Дмитре Пхьилекъонгий-Юртарча Республикански фтизиопульмонологе центре унахой тӏаийцар.
