Къонача хьинардарашта совгӏаташ делар мехкарча Паччахьалкхено
Республикан, федеральни оагӏонашцара лоархӏаме проекташ йоаржаеш, кагирхой политикаца белгалбаьннача хьинардарашта совгӏаташ луш, кхетаче дӏайихьар мехкарча Паччахьалкхено.
«Белгалбаьннарашта совгӏаташ дӏалуш хиннар Паччахьалкхен хьалха латта Сластенин Владимир вар. Майдилгаш, Россе Президента грамоташ елар Дерригача дунен кагирхой – 2024 фестивале дакъа лаьцача гӏо деш леларашта.
Коталон 80 шу дизара тӏемах дисараш лохаш йолча тоабан доакъашхошта Мехкадаьгара доккха баркал аьлар. Келаматанаькъан Махьмуд-ӏаьлас тӏадилла, МЧС колледжа студенташта «Гӏалгӏайчера гӏо деш вар» яха майдилгаш елар», - дийцар «Сердалога» кагирхой гӏулакхех йолча Комитето.
«Лоархӏамеча проекташка дакъа лоацаш хьабоагӏа вай къонабараш. Дуккханешта масал долаш, баркал кхайкаде дезаш, боккха болх ба цар дӏахьор», - белгалдир Сластенин Владимира.
