Хица дувзаденна дош наха дIадовзийта дезарах дийцар
На совещании в Магасе Ингушетии и. о. премьер-министра РИ Магомед Евлоев в списке актуальных тем акцентировал внимание глав сел, городов и районов республики на необходимость обратной связи в социальных сетях. Речь шла об очень чувствительном в летнее время года вопросе стабильного водоснабжения, информировали газету «Сердало» в кабмине региона.
«Шо долхаш хила деза вахара бувзамашка гIолла наха увттадеш дола хаттараш кхоачашде, шоашца цхьана керттера говзанчаш а болаш, уж юстардахара. ГIалгIайчен Кулгалхо цу гIулакха цахаддаш терко еш а тIехьахьожаш а ва, мел эшаш дола ахчанцара новкъостал а ду. Бакъда оаш нахага цунах бола хоам дIакхачийтац. Наха ховш хилац, мичахьа фу даьд. Царна хеталу, шо, деш хIама доацаш, дагIа», — аьлар Йовлой Мухьмада.
Цо иштта хьалхадаьккхар, нагахьа санна эшаш хуле доал деча даькъ тIа кулгалхошта чуйоагIаш хургйолаш тоабаш вIашагIйохка, аьнна, цар шоай аргIагIа из хьал теркама юкъе лоаттадергда.
Вахара бувзамашка наха яздечун, цу даькъ тIарча болхлоша, наха малагIа жоп делар ховш хила деза.
Хьалхадоаккх, ГIалгIайче карарча хана боккха болх ба дIахьош, хицара хьал хила деззача боараме хилийта гIерташ. Ховш ма хиллара, каст-каста хин турбаш лелхаш, уж юха тоае езаш нийслу. Цун бахьан уж къаьнара а мукхйиа а хилар да. Цудухьа из мо бола болх, наха дIабовзийташ, хила беза.
