Хоам бу бешамий а, коммерчески йоацача товариществах (СНТ) дола лаьтташ маьха айдалар 1,5 цхьан кварталах, иштта +20% шера. Иштта мах болаш дар доалахьара а (ИЖС) — +1,4 кхаь бетта, иштта +15% шера, -аьлар компане.

Маьха лакхагIа хилар промышленноста оагIорахьа дола лаьтташ а. Мехка гIолла латташ дола хьал хьаийцача уж маьха лакхделар цхьан сотех хиллала долча лаьттах: +3%, +4% шера а кхаь бетта а.

ИЖС доакъош шера хьалхарча кхаь бетта цхьан сотех лаьттах 42 эзар сом.

Цу юкъе СНТ/ДНП-35 эзар сом, из 2020 шера хиннача маьхага хьежача цхьатарра мах ба,- йоах «Авито Недвижимости».
Белгалде деза ГIалгIайче промышленноста оагIорахьа долча лаьттага диллача мах дукхагIа а лакхагIа а ба.

Вай республике лаьттах эггара лакхагIа маьхаш да.

Аналитикаш яхачох, РФ регионашка гIолла латташ дола лаьтта эцача наьха хьал хьаийцача, цар дукхагIа хоатташ дар да шахьарашкара арахьарача моттигашкара дола лаьтташ. Из дувзаденна да эпидеме хьалага, Iаьдало еча терконга хьежжа. Из хьал дегIадар бахьан да юрта бахача наха ипотекаш далара программа хилар а иштта матерински капитал оалаш дола ахча луш хилар а.