СоагӀапчара керттера маьждиг тоадеш латт
20.01.2025 12:30
СоагӀапча тоадеш латт керттера маьждиг а иштта машинаш Ӏооттаю цунна гонахьара моттиг а.
Юрта администраце, ший бахархошца цхьана, доазон тӀа асфальт Ӏобилла, машинаш Ӏооттаеш йола моттиг тоаяь, проект кхоачашъеш я. ХӀанз уж балхаш йистедаьхачул тӀехьагӀа, уж болабелар маьждиг тоаде. Цига а дукхагӀа бола болх йистебаьннаб ала мегаргда.
Белгалдаккха деза, маьждиг тоаде эшаш мел йола хӀама бахархоша шоаш ийцалга.
