Санкт-Петербурге дешаш болча ГӀалгӀайчен студенташа Беканаькъан ДордагӀа Тембота цӀерагӀа дола стипенди ийдергда
28.09.2023 13:21
Санкт-Петербурге, лакхара дешар дешаш болча ГӀалгӀайчен студенташа цӀихезача Ӏилманхочун, хьехархочун Беканаькъан Тембота цӀерагӀа дола стипенди ийдергда. Цунах дийцар «Сердало» газетага Къилбаседа-Малхбузен федеральни даькъ тӀарча ГӀалгӀайчен викалаша.
«Къилбаседа-Малхбузен федеральни даькъ тӀарча ГӀалгӀайчен викалаша Беканаькъан ДордагӀа Тембота цӀерагӀа дола стипенди эцара йола яхь дӀайихьар. Стипенди ийдергда Санкт-Петербурге лакхара дешар дешаш болча гӀалгӀай студенташа, уж ба заочно оалача кепара шоллагӀча, иштта цул тӀехьарча курсашка багӀа бакалавра, специалитета, цул совгӀа магистратура хьалхарча курсе багӀа студенташ. Из хургда 3000 сом хӀара бетта, хӀаьта цхьан шера хьателаргда из», - аьлар тхоца къамаьл даьчо.
