Хин хьал тоадеш латт, йӀаьххача хана талхаргдоацаш
29.09.2023 10:11
Республикерча шахьарашкара, юрташкара хин турбаш тоаеш, тишъеннача турбашта меттел дикагӀъяраш чуйоахкаш латт. Шолжа-Шахьарера къаьнара турбаш хувцаш болх дӀахьош латт тахан. Чуйоахкаш латта керда турбаш мукхъюаш яц, дукххача хана ца талхаш ядаргьярех я. Шерипова оалача урам тӀа къахьегаш боахк карарча хана болхлой.
200 метрага кхоачаш йола урамера тиша турбаш хьаохкаш латт цар. Цига бахача наха чӀоагӀа балийна яьнна яр из моттиг. Турбаш хувца еза ха чакхъяьнна дукха ха яр цига.
