Ӏаьлий-Юртара культуран цӀа тоадаьд
14.01.2025 15:16
Наьсарен кхален Ӏаьлий-Юртара культуран цӀа геттара тоадаьд, ГӀалгӀай Республикан гӀишлон Министерствос дехарах, яхаш, дийцар гӀишлонхой зарбан болх лелабераша.
ГӀишло, чура хьаьха, кердаяьккхай. Кораш-наӀараш хийцад. Сердал тоаяьй, уйнаш кхыдараш техад, коа керда Ӏоакъа Ӏойиллай.
«Белгалдаккха дезаш да, 2024 шера республике культуран пхи гӀишло хьалъяь хилар, царга дӀабаха мах ба 273,6 млн сом.
Из ахча дӀадахад Йоккхача Ачалкхера, Ӏаьлий-Юртара культуран цӀенош тоадарга, иштта Магасера театра, кинон таханарча заман Центр оала ГБУ тоаеш, ЖӀайрахьара культуран цӀа хьалдеш. Иштта программанна чуйоагӀаш, хьалъе йолаяьй Хамхой Ахьмада цӀерагӀча Паччахьалкхен филармоне гӀишло», - хоам бу республикан гӀишлон Министерствос.
