«Гарданаькъан, Карабулак яха урамаш вӀашагӀкхетача хин турба эккхарах, кхыметтел маьлха деношка а тӀаьда латтар цига, хий дӀа ца додаш. ХӀанз 500 метр дӀоахал дола хин турба тоаеш латт», - аьлар МагӀалбика кхален администраце зарбан болх лелабераша. Хьалха кхыча моттиге юрта урамаш вӀашагӀкхетача, бӀеха хий дӀаухача кӀоаг тӀа дилла хинна улг дохадаь хиларах, из а хийцар. Доал деча даькъ тӀа бахархошка хоам бир, цу тайпара балхаш МагӀалбика кхале массаза дӀахьоргда, ахча хиларга хьежжа, аьнна, цул совгӀа, лаьрххӀа дола балхаш дара план-график а я.