Из хоам бу, тахан, регионерча МВД болхлоша. Наькъашкара кхерамзле лораярах болча болхлоша, Пхьилекъонгий-Юртарча ишкола дешархошца цхьана, дIайихьар из боккха пайда беш йола акци. Белгалде деза, машенашца лелараш лоралуш хилара тIахьехарал совгIа, цу тайпара йолча акцеша, кхувш доагIача берий сакхетаме чIоагIдаь Iодул, берригаш а, наькъашкара кхерамзле лораеш фийла хила безалга. Таханарча берашта юкъера дуккхабараш шоаш хургба, кхоана, машенаца дIа-хьа ухаш. Цунга хьежжа, тахан наькъа тIа дIакхухьача урокаша, пайда бергба царна. Иштта дIакхухьача акце керттера бахьан — нах лозабеш дола хатараш наькъашка, ма хулла, кIезигагIа хилийтар. Акци дIайихьар ишкола юхе уллача доазон тIа. Из я чIоаггIа фийла хила везаш, эггара дукхагIа нах дехьабувла меттиг. Вайх хIаране кхетаде деза, наькъашкара хьал тоадалара гIулакх, хIаранега кхоачаш долга. Машенашца лелараш санна, наькъа тIара бокъонаш лораеш, царцара терко лакха лоаттаеш, хила беза гIашлой а.

Ишттача наькъаца мара, аттачахьа даргдац вай гIулакх.