Алхасте дездир Халкъашта юкъера дезала ди
Халкъашта юкъера дезала ди чӏоагӏдаьд 1933 шера ООН Генеральни Ассамблейс, цо хьалхадоаккх дезала ӏадатий юкъарлон лерхӏам хилар. Из дездеш дика дакъа лаьцар Гӏалгӏайчен Шолжа кхален Алхастерча культуран цӏено. Кулгаговзала кружока кулгалхочо Загӏенаькъан Адама къонача юртахошта лаьрхӏа «Со, са дезал» яха говзанча хьехам белар.
«Керттера декхар дар цӏайца дувзаденна суртилг шоай кулгашца хьадар. Дезал - из сага вахаре керттердар да. Къаьстта цига ӏомалу вай бехктокхаме хила, гонахьарвар веза, безам бовза», - аьлар «Сердало» газетага Загӏенаькъан Адама.
Коллама балха чуийра Адама кхетам лураш. Атта леладеча гӏирсашца: фломастерашца, къоаламашца - бераша шоай кулгашца хьакхеллар хоза суртакӏигаш, даьшцара безам, йижарий, вежарий безам гойташ дар уж.
Говзанча хьехам чакхбаьлар, безаме чаккхе еш. Бераш раьза дар дезал лорабе безаш хилара, цар хӏара денах доаккхал де дезара.
