Илдарха-ГIалий тIарча ишколе «Хьалхарчар Болам» яха отделени хьайийллай
В карабулакской школе № 1 в Ингушетии начало свою работу первичное отделение Российского движения детей и молодёжи «Движение Первых». С идеей его создания выступили учащиеся учебного учреждения. Директор школы Зарета Часыгова это предложение поддержала, заявив о готовности всячески поддерживать работу отделения, сообщили газете «Сердало» в администрации г. Карабулака.
Из хьаеллара тIехьа къамаьл даьраш бар дешархой. Ишкола кулгалхочо ЧIасанаькъан Заретас могадир из, отделене болх массе оагIорахьара хьаллаца ше кийча я, аьнна, из хоам бир «Сердало» газетага Илдарха-ГIалан администраце.
«Хьалхарчар Болама» РО кулгалхочо Коазой Мухьмада дийцар цу болама юкъе дакъа лоацачар малагIа декхараш хургда дIахо.
Илдарха-ГIалан вице-мэра Малсаганаькъан Иналкъас дег тIара доагIа къамаьл дир, дIахойодача хана вахара наькъаш дукхагIа а шерагIа хургдолга хьалхадоаккхаш, иштта даькъалабийцар команда болх, шоашца цхьа уйла йола новкъостий кхеталба шух, кердадараш хIара денна тахка а кIаьд ма лулда шо, аьлар цо.
ГIулакх довзараша яхачох, «Хьалхарчар Боламо» ишколерча берий организацей цхьоагIо чIоагIъергья. Цу дерригне а таро хулийтаргья, дешархой оамалаш йовза, бартаца хьегаш дола къа деза. ХIара дешархочунна ший дакъа юкъедахьа йиш хургья спортаца, Iилманца, культураца, экологеца дувзаденна, толамаш даха а таро хургья.
Белгалдаккха деза, бархI шу даьлча денз, цу болама юкъе хила йиш йолаш да бераш. Ха дукхагIа яьнна хиларца дувзаденна хаттараш оттаргдац кагирхошта хьалхашка а.
БоккхагIчар таро хургья боламе дакъа лоацача зIамагIчар хьехамчаш хила.
