Сурхо тIарча ишколе «Турпалхочун парта» яха кхетаче хилар
В школе № 2 сельского поселения Сурхахи в Ингушетии состоялось волнующее событие: открытие «Парты героя», посвященной выпускнику школы, сотруднику Росгвардии, героически погибшему в ходе специальной военной операции, посмертно награжденному Орденом Мужества, Аушеву Юнусу Магомед-Шариповичу, сообщили газете «Сердало» в региональном отделении «Единой России».
Из хетаяьяр цу ишколе деша ваьгIача Росгварде болхлочунна, лаьрххIа йолча операце юкъе волаш, турпалхо санна веннача юртахочоа. Валарца Денала Орден еннай Овшанаькъан Мухьмад-Шарипа Ювназа, аьнна, хоам бир «Сердало» газетага «ЦаI йола Росси» яхача парте моттигерча отделене.
«Турпалхочун парта» хьаелла бокъо елар цун вешийна Ювсапа. Цу тIа да турпалхочун сурт, Мухьмад-Шарипа Ювназах бола хоам, совгIаташ, бIухочунна турпала никъ», — йоах хоамо.
Цу лоархIамеча вIашагIкхетара юкъе дакъа лоацаш хилар Наьсарен района «ЦаI йолча Россе» моттигерча отделене секретарь МутаIаланаькъан Мухьмад-Башир, депутатий районни совета кулгалхо Барханой Iалихан, ювцача парте моттигерча отделене исполнительни секретарь МутаIаланаькъан Адам.
«Оаха доаккхал ду тхоай ишкола исторех, цун Iадатех, укх ишколе деша баьгIарех. Дагакхоаб бокъонца турпал волча Овшанаькъан Ювназа цIи», — аьлар ишкола кулгалхочо Йовлой Хаде.
Цу дешара проекта боккха мах ба, вай тIехьен Даьхенцара безам совбоаккхача, ГIалгIайчера шоай тIема декхар дизза кхоачашдаь денал дола бIухой царна биц ца болийтача даькъе.
