ГӀалгӀайчен Росгварде ишколе герга истол дӀадихьар
Даьхен Турпалхой Ди дездеш, ГӀалгӀай Республике гӀолла йолча Росгварде Урхаллено лаьрхӀар дешара моттиге герга истол дӀадахьа, яхаш, дийцар «Сердало» газетага цу даькъ тӀара зарбан болх лелабераша.
«Къаман эскара викалий новкъосталца, дешархой таро хилар лоархӀаме дола - Даьхенна Турпалхой Ди хьакхоллара бахьан довза. Росгвардейцаша Даьхенцарча безамах шоашта хетар дувцаш, дукха хьаэцаргдола къамаьл дир. Боккхача безамца дувцар цар, шоашта уллув лаьттача тӀема новкъостех. Берий хаттарашта жоп луш, цар белгалдир, малагӀа лерхӀам болаш да котало яккхар», - аьлар хоамо.
Дика хет турпалхошкара масал эцаш вай тӀехье хилар, цар цӀераш урамех, ишколех техкаш хилар. Российски халкъо кӀезига гойтадац денал, майрал; нах кӀалхарбахара, паччахьалкхе лораяра турпалаш болаш, цаӀ санна моастагӀчоа духьаллаьттаб уж», - аьлар «Беркут-ЮГ» ОМОНа ветерана Хамхой Хьусена.
