«ТӀема шерашка деналах, майралах бизза хиннача вай бӀухоша моастагӀа вохавеш чакхбаьккхача наькъех дийцар берашка майора Мутелимов Рамзана, капитана Карданов Амира, майора Полукаров Романа, иштта Наьсарерча полка чубоагӀача тӀемахоша. Фашист вай лаьтташкара аравоаккхаш, цо лаьрхӀа хиннар дохадеш дӀайихьача операцех дийцар кхувш латтарашка.

Росгварде болхлоша белгалдир, масса къамаш цхьа дезал санна духьалъ - оттар, цхьоагӀо хилар немце вохавеча лоархӀаме хиннилга, - йоах хоамо. Мутелимов Рамзана теркалдир, къонача тӀехьен шоай мехка истори довза дезилга, турпалаш хинна лаьттача къонгий цӀераш дага лоаттае езилга. «Иштта йола кхетаченаш лоархӀаме я тӀехьен нийса кхетам луча.

Берий дукха хаттараш дар боккхийчарга. Шоай Даьхе езаш, из лоархӀаш даха Ӏомаде деза бераш бера хана денз», - белгалдир ишкола кулгал деча Чаненаькъан ПаьтӀамата.