Магасерча Крупнов Евгене цӏерах йолча сквере сийленг тоадеш боахк
10.04.2026 09:50
Цӏихезача ӏилманхочун Крупнов Евгенена оттадаь сийленг тоадеш болх дӏаболабеш ба Магасе. Из хоам «Сердалога» бир мэре.
«Сийленг тӏера цӏендеш, малагӏа тайпара болх дӏабахьа безаргба хьожаш ба цига карарча хана. Тӏера дикка кулг тохаш меттадоаледергда сийленг, иштта гонахьара моттига куц эргадаккха лерхӏ болхлоша», - дийцар тха газетага.
Исторически оагӏонца лоархӏаме да из болх дӏабахьар.
Вай мехка геттара лоархӏаш ва цӏихеза археолог, исторически ӏилмай доктор, ӏилманхо хинна Крупнов Евгений Игнатьевич. Вай мехкара гӏалай моттигаш тохкаш доккха дакъа дӏалаьцарех ва из.
